Han Solo verður ein af fjórum persónum sem verða í aðalhlutverki í Star Wars: Episode VII. 
Ungir leikarar verða í hinum þremur hlutverkunum.
Samkvæmt vefmiðlinum JediNews kemur þetta fram í nýjasta tímariti Entertainment Weekly.
Þar kemur einnig fram að enn eigi eftir að ráða í stórt kvenhlutverk í myndinni og að þau Mark Hamill, Carrie Fisher og Harrison Ford hafi verið ráðin til starfa áður en Disney keypti Lucasfilm árið 2012.
Star Wars: Episode VII er væntanleg í bíó á næsta ári og á að gerast 30 árum eftir að Return of the Jedi gerðist.
