Svo virðist sem kærleikar hafi tekist með Armie Hammer og Johnny Depp við tökur á myndinni The Lone Ranger, en Hammer leikur titilhlutverkið, og Depp leikur fylgisvein hans, indjánann Toto.
„Ég fléttaði hárið á honum!“, sagði Hammer léttur á því við e-online tímaritið, þegar hann mætti til að vera viðstaddur Artios Award í Beverly Hills fyrr í vikunni. „Það var mjög notalegt. Við náðum vel saman, við vöktum alla nóttina og töluðum saman fram að sólarupprás. Það var mjög töfrandi reynsla.“
Hammer segist hafa fengið rassæri af löngum setum á hesti, auk annarra smávægilegra meiðsla við tökur myndarinnar. Hann staðfesti einnig fréttir þess efnis að persónan sé mun myrkari heldur en sú sem er í sjónvarpsþáttunum um The Lone Ranger, og í ætt við túlkun Christan Bale á Batman í The Dark Knight.
„Þeir eru amk. báðir með grímu,“ segir Hammer og hlær, og bætir við, „Það eru engin sérstök líkindi með sögum þessara tveggja mynda, en líkindin eru helst hvað varðar grímuna, og að þeir eru báðir sjálfskipaðir lögreglumenn, það eru það helsta.“
