Fyrsta sýnishornið er komið út fyrir nýjustu mynd The Dark Knight leikstjórans Christopher Nolan, Interstellar.
Um er að ræða kitlu sem byrjar eins og heimildarmynd um afrek mannanna í geimferðum, sem einn af aðalleikurum myndarinnar, Matthew McConaughey, talar yfir.
Leikarinn birtist svo grátbólginn undir stýri á bíl undir lok kitlunnar.
Myndin verður frumsýnd þann 7. nóvember 2014.
Myndin fjallar um ævintýri hóps könnuða sem notfæra sér ormagöng í geimnum til að fara lengra en menn hafa nokkru sinni farið áður í geimferðum, og geta með því móti farið á milli stjörnukerfa.
Handritið er blanda af hugmynd Nolan sjálfs, og handriti bróður hans Jonathan Nolan.
Aðrir leikarar eru m.a.: Anne Hathaway, Jessica Chastain, Ellen Burstyn, John Lithgow, Michael Caine, Casey Affleck, Wes Bentley, Bill Irwin, Mackenzie Foy, Topher Grace og David Gyasi.
Sjáðu sýnishornið hér fyrir neðan:
