Ný stikla fyrir Morbius, nýju myndina úr Marvel heimi Sony kvikmyndaversins, ofurhetjuheimi þar sem kvikmyndirnar eiga allar að tengjast Köngulóarmanninum með einhverjum hætti, er komin út.
![](https://kvikmyndir.is/wp-content/uploads/2021/11/drakulamorb-1024x512.jpg)
Aðrar myndir í þessum heimi eru til dæmis Venom: Let there be Carnage og væntanleg Spider-Man mynd, Spider-Man: No Way Home sem kemur í bíó á næsta ári.
Jared Leto leikur titilhlutverkið en aðrir leikarar eru m.a. Matt Smith, Adria Arjona, Jared Harris, Al Madrigal og Tyrese Gibson.
![](https://kvikmyndir.is/wp-content/uploads/2021/11/morb-adad-1.jpg)
Morbius segir frá lífefnafræðingnum Michael Morbius sem reynir að lækna sjálfan sig af sjaldgæfum blóðsjúkdómi. Óafvitandi sýkir hann sjálfan sig í staðinn af einskonar vampírusjúkdómi.
Læknar sjúka
Miðað við það sem fram kemur í stiklunni er Morbius góðmenni sem læknar sjúka þar til hann fer í heimsókn í leðurblökuhelli, og þá verður fjandinn laus. Eftir það er Morbius í stöðugri innri baráttu þar sem vampíruskepnan vill brjótast út og drepa mann og annan. Þessvegna er Morbius af mörgum talinn vera ein brjóstumkennanlegasta persónan í Marvel heiminum. Hann læknast af blóðsjúkdómi en í staðinn er hann nú orðinn vampíra og þyrstir stöðugt í blóð.
![](https://kvikmyndir.is/wp-content/uploads/2021/11/morb.jpg)
Undir öllu saman hljómar Doors lagið People are Strange.
„You Save Lives, You don´t take them“, eða „þú bjargar mannslífum, þú drepur ekki menn“, segir ein persónanna í myndinni sem reynir að koma vitinu fyrir vampíruna, sem nú er orðin nær algjörlega stjórnlaus.
Morbius kemur í bíó 28. janúar nk.
Sjáðu stikluna hér fyrir neðan: