Nýtt plakat úr hinni langþráðu framhaldsmynd Dumb and Dumber To er komið á netið. Þar sjást þeir félagar Lloyd (Jim Carrey) og Harry (Jeff Daniels) á sama hundabílnum og í Dumb and Dumber. 
Dumb and Dumber To gerist tuttugu árum eftir atburðina í upphaflegu myndinni og fjallar um leit Lloyd og Harry að dóttur Harry í von um að fá nýrað úr henni.
Fyrsta stiklan úr myndinni verður frumsýnd á þriðjudaginn í The Tonight Show.
Dumb and Dumber To er væntanleg í bíó vestanhafs 14. nóvember og er hennar beðið með mikilli eftirvæntingu. Á meðal fleiri leikara eru Rob Riggle, Kathleen Turner og Jennifer Lawrence.
