Þriðja skrímslamynd Universal er væntanleg í bíó vestanhafs 15. febrúar 2019. Samkvæmt frétt The Wrap er búið að taka daginn frá en ekkert kemur fram um hvað myndin heitir.
Hún verður hluti af vörumerkinu Universal Monsters og kemur sú fyrsta út árið 2017. Þar verður á ferðinni endurræsing á The Mummy.
Önnur skrímslamyndin kemur út 2018 og nafn hennar hefur ekki heldur verið gert opinbert.
Handritshöfundarnir sem taka þátt í Universal Monsters eru Aaron Guzikowski (Prisoners), Noah Hawley (Fargo) og Ed Solomon (Now You See Me).
Alex Kurtzman mun leikstýra The Mummy og eru tökur að hefjast með Tom Cruise og Sofia Boutella í aðalhlutverkum.
Þær myndir sem þykja koma til greina sem önnur og þriðja skrímslamyndin eru The Invisible Man, Bride of Frankenstein og The Wolfman.
