Fyrsta plakatið er komið fyrir nýjasta vísindatrylli Tom Cruise sem í fyrstu hét All You Need is Kill, en hefur fengið nýtt nafn og heitir núna Edge of Tomorrow.
Sjáðu plakatið hér fyrir neðan:
Til að sjá plakatið í stærri upplausn má smella hér.
Um helgina var einnig birt ný mynd úr myndinni þar sem sjá má aðalleikarana, þau Cruise og Emily Blunt á vígvellinum:
Edge of Tomorrow gerist í nálægri framtíð. Geimverur hafa komið niður á Jörðina og gert árás og milljónir manna hafa dáið. Engin her er tiltækur á Jörðinni sem ræður við skrímslin, og nú er komið að ögurstundu í baráttunni við innrásarherinn. Cruise leikur hershöfðingja sem aldrei hefur lent í stríði, og er umsvifalaust hent í djúpu laugina í bardaga, og er drepinn eftir nokkrar mínútur. En það skrýtna gerist að hann vaknar aftur og aftur í það helvíti sem þetta stríð er, á sama deginum í sama bardaganum, og þarf að deyja, aftur og aftur, og aftur. Það góða við það er að hann verður alltaf betri og betri í hvert sinn sem hann vaknar aftur til lífsins, og þar með hæfari í að takast á við geimverurnar.
Myndin verður frumsýnd á næsta ári, 2014.
