Alþjóðlegri kvikmyndahátíð í Reykjavík, RIFF, er lokið og verðlaun hafa verið veitt.
Sundruð / Hold It Together eftir Fan Sissoko hlaut verðlaun sem besta íslenska stuttmyndin og Til hamingju, fáviti eftir Orra Guðmundsson vann nemendasamkeppni íslenskra stuttmynda.
Úr Til hamingju, fáviti
Um Sundruð segir dómnefndin að myndin noti einfalda en áhrifaríka sjónræna myndlíkingu til að gera innri tilfinningu áþreifanlega: baráttuna við að reyna að halda sjálfum sér saman. Myndin fjallar um að stíga inn í nýja menningu, læra óskrifaðar félagslegar reglur og upplifa að vera gerður að hinum.
Til hamingju, fáviti var hrósað fyrir það hvernig hún stillir saman húmor og dimmum undirtóni og skoðar vináttu, afbrýðisemi, karlmennsku, velgengni og heppni með einföldum söguþræði sem reynist flóknari en hann virðist í fyrstu.
La Gradiva vann
Stóru verðlaun hátíðarinnar, Gullni Lundinn, fóru til La Gradiva í leikstjórn Marine Atlan. Dómnefndin hrósaði myndinni fyrir tilfinningagreind, næma mynd af æsku og vaknandi sjálfsvitund og hvernig fortíð og nútíð fléttast saman í frásögninni.
Heimild: RIFF
