Fyrir mörgum árum var geðsjúkur morðingi að nafni Charles „Chucky“ Lee Ray skotinn niður af lögreglunni í leikfangabúð þangað sem hann hafði leitað skjóls. Áður en hann gaf upp öndina fór hann með gamla særingarþulu sem gerði hann eilífan og færði sál hans í annan líkama. Þessi sál færðist nefnilega yfir í brúðu sem hefur gengið berserskgang og hrætt líftóruna úr mörgum í gegnum tíðina.
Það hafa verið gerðar alls fimm myndir um morðóðu brúðuna og nú er sú sjötta á leiðinni. Nýjasta myndin, Curse of Chucky, fjallar um fjölskyldu sem verður fyrir því óláni að fá Chucky á heimilið í gegnum póstþjónustu. Lítil stúlka, sem missti móður sína á einkennilegan hátt, tekur Chucky að sér. Eftir fáeina daga byrjar svo blóðbaðið þegar Chucky fer á kreik.
Þess má geta að Brad Dourif ljáir Chucky rödd sína á ný í nýjustu myndinni. Dourif ljáði brúðunni rödd sína í fyrstu myndunum og ætti það að kæta Chucky aðdáendur að heyra rödd hans á ný.
Hér fyrir neðan má sjá glænýja stiklu úr Curse of Chucky.