28 Years Later – Martröðin heldur áfram

Tæplega þrír áratugir eru liðnir frá því vírusinn sem breytti fólki í tryllta árásarmenn lagði Bretland í rúst á hvíta tjaldinu. Nú, 28 árum síðar, snýr þessi myrki kvikmyndaheimur aftur í 28 Years Later, framhaldi hinna goðsagnakenndu hryllingsmynda 28 Days Later og 28 Weeks Later.

Myndin sameinar gamla snilld og nýja krafta og lofar ógleymanlegri kvikmyndaupplifun.

Leikstjóri myndarinnar er Danny Boyle. Hann snýr hér aftur til rótanna og færir áhorfendum nýja sýn á eftirmál heimsfaraldurs.

Með honum í handritsgerð er Alex Garland höfundur upprunalegu myndarinnar. Í aðalhlutverkum eru Jodie Comer, Aaron Taylor-Johnson og Jack O’Connell, en Cillian Murphy, stjarna fyrstu myndarinnar, kemur einnig að verkefninu sem framleiðandi – og mögulega meira en það.

Ógnvekjandi framtíð í stórbrotinni umgjörð

28 Years Later er sögulegur kvikmyndaviðburður fyrir unnendur hryllings og spennu. Myndin er tekin upp í víðáttumiklu landslagi Bretlands og nýtir nútímalegar tæknibrellur og kvikmyndatöku til að skapa yfirþyrmandi andrúmsloft og viðhalda stöðugri, ógnvekjandi tilfinningu sem mun öllum líkindum fá hárin til að rísa.

Siðferði og fall samfélagsins

Kvikmyndin spyr áleitinna spurninga um líf, siðferði og mannlegt eðli í veröld sem hefur misst stjórn á sjálfri sér. 28 Years Later er ekki aðeins beint framhald heldur nýtt upphaf. Hún talar til samtímans og snertir á ótta sem margir bera eftir raunverulega og erfiða heimsatburði undanfarinna ára. Hún minnir okkur á hversu hratt samfélög geta hrunið – og hversu erfitt það getur verið að byggja þau upp aftur.

Frumsýning myndarinnar verður 19. júní. Aldurstakmark er 16 ára og myndin er alls ekki fyrir viðkvæma.

Fyrir unnendur hryllings, samfélagslegra undirtóna og ósvikinnar spennu er 28 Years Later kvikmynd sem má ekki láta framhjá sér fara.