Framleiðendur myndar númer tvö af the Amazing Spider-Man, eru í óða önn að púsla saman leikarahópi myndarinnar.
Fyrir um mánuði síðan var staðfest að leikstjórinn Marc Webb og aðalleikararnir þau Andrew Garfield og Emma Stone myndu snúa aftur til að leika í framhaldsmyndinni, og enn styttra er síðan fregnir bárust af því að Shailene Woodley úr The Descendants, væri í viðræðum um að leika hlutverk Mary Jane Watson. Þá hefur verið talað um að illmenni myndarinnar verði Electro. Nú hefur heyrst að samningar standi yfir við Óskarsverðlaunahafann Jamie Foxx um að leika Electro.
Það á þó ekki að koma algjörlega á óvart að Electro verði þorparinn í myndinni, því í atriðinu sem kom eftir að búið var að renna kreditlistanum í gegn í lokin á The Amazing Spider Man, þá sást í skuggamynd nálgast Dr. Curt Connors í fangelsinu.
