Transformers leikstjórinn, Michael Bay, kom fram á ráðstefnu á vegum Samsung á dögunum. Þarna var hann mættur til þess að kynna nýjustu afurð Samsung í sjónvarpstækni.
Allt gekk eins og í sögu á kynningunni, þ.e.a.s. þar til textaskjárinn gaf sig. Þetta varð nóg til þess að taka Bay úr jafnvægi. Varð hann hinn vandræðalegasti og gekk síðan á endanum af sviðinu. Varaforseti Samsung Electronics stóð hinsvegar einn eftir á sviðinu og þakkaði Bay fyrir komuna.
Það má segja að Bay eigi ekki lengur rétt á því að skammast í leikurum sínum í framtíðinni fyrir að gleyma línunum sínum. Hérna fyrir neðan má sjá myndband af þessu vandræðalega atviki.