Andrew Cripps, forseti Paramount Pictures International hefur lekið út ýmsum upplýsingum að undanförnu, væntanlega til að hypa upp útgáfu stórmyndarinnar Iron Man. Myndin er sú fyrsta sem þeir gera í samstarfi við Marvel Studios.
Útgáfudagsetning myndarinnar hefur verið í gangi allt frá upphafi og er hún dagsett 2.maí og margir hafa bókað þann dag til að sjá myndina. Nú er hins vegar ljóst að myndin verður frumsýnd 30.apríl á fjölmörgum stöðum. Þetta er svipuð strategía og notuð var á Transformers og enn áður Mission Impossible III, en þær tvær voru sýndar mun fyrr en áætlunin sagði til um.
Enn er þetta ekki staðfest, en miklar líkur eru á að Paramount gefi frá sér yfirlýsingu fyrr en ella um þetta mál.
Nú er bara um að gera fyrir íslensk bíóhús að sýna myndina fyrr!