Íslenskir Kevin Smith aðdáendur eru löngu orðnir varir við það að leikstjórinn sjálfur verður með „spurt-og-svarað“ uppistand þann 11. nóvember. Nexus og Bíó Paradís hefur ákveðið að halda smá upphitun fyrir viðburðinn núna á fimmtudaginn næsta, en þar verður sérsakt „double feature“ bíó þar sem myndirnar Chasing Amy og Clerks II verða sýndar.
Miðar á þennan viðburð fást í Nexus og kostar aðeins 1200 kr. á báðar myndirnar og verður einnig sérstakt happdrætti. Hver miði er númeraður og í hléi milli mynda verður dregið um það hverjir vinna sæti. Fyrir hverja 10 selda miða verður gefinn einn miði í Hörpu. Sem sagt 10% líkur á hvern miða.
Sýningin byrjar kl. 20:00 á Clerks 2 svo verður hlé ca. kl. 21:40 og svo Chasing Amy ca. kl. 22
(ekki verður tekið hlé á myndunum sjálfum, slíkt er glæpsamlegt athæfi)
Óseldir miðar verða seldir í Bíó Paradís frá kl. 19:30 á fimmtudeginum.
.:Kvikmyndir.is leikur:.
Kvikmyndir.is ætlar að gefa einum heppnum kommentara tvo miða á þessa sýningu. Kommentaðu fyrir neðan þína uppáhalds setningu sem hefur verið sögð í Kevin Smith-mynd og á miðvikudaginn veljum við einn heppinn aðila sem fær að fara frítt ásamt félaga sínum.