Fyrsta myndin hefur nú birst af breska leikaranum Tom Hardy ( Lawless, The Dark Knight Rises ) í hlutverki Mad Max Rockatansky í myndinni Mad Max: Fury Road, en það var Ain´t It Cool vefsíðan sem birti myndina fyrst, sem og staðfestingu frá Warner Bros um að þetta væri raunverulega mynd af Hardy í hlutverkinu.
Mel Gibson sló í gegn upphaflega sem Mad Max í upprunalegu Mad Max myndunum.
Eins og gömlu myndirnar þá gerist Fury Road í Ástralíu, þó að myndin hafi reyndar verið tekin upp að mestu í Afríku.
Helstu hlutverk önnur í myndinni leika Charlize Theron, sem rakaði sig sköllótta fyrir hlutverkið, sjá hér, Nichoulas Hoult, Rosie Huntington-Whiteley, Zoë Kravitz, Abby Lee og Riley Keough
Sjá mynd frá því í sumar, af tökustað myndarinnar, hér að neðan sem birtist á Twitter síðu Rosie Huntington-Whitelay. Myndin er af þeim Rosie Huntington-Whiteley, Zoe Kravitz, Riley Keough og Adelaide Clemens.
Ekki liggur enn fyrir hvenær myndin verður frumsýnd, en líklega verður það á næsta ári, 2013.
