Sjöunda Star Wars-myndin er væntanleg í kvikmyndahús þann 18. desember, 2015, og á að gerast 30 árum eftir að Return of the Jedi gerðist. Tökum á myndinni er lokið og hefur framleiðslufyrirtækið Disney afhjúpað titil myndarinnar.
Myndin hefur fengið titilinn Star Wars: The Force Awakens, og er það tilvísun í mátt Sith og Jedi-meistaranna. Máttur þessi gefur handhafa sínum vald til þess að m.a. ýta og toga hlutum án snertingar við þá.
J.J. Abrams leikstýrir og með aðalhlutverk í myndinni fara John Boyega, Adam Driver, Daisy Ridley, Mark Hamill, Harrison Ford og Carrie Fisher.
