Bandaríska kvikmyndaverið Twentieth Century Fox hefur hafið viðræður við leikstjórann James Mangold um að gera aðra mynd um The Wolverine, með Hugh Jackman í aðalhlutverkinu.
The Wolverine gekk mjög vel utan Bandaríkjanna og er nú orðin önnur tekjuhæsta X-Men mynd allra tíma. Myndin hefur þénað samanlagt 413 milljónir Bandaríkjadala í bíó um allan heim; 132 milljónir dala í Bandaríkjunum og 280 milljónir dala utan Bandaríkjanna.
Samkvæmt Deadline vefnum þá mun Mangold skrifa handritið en söguþráður er óljós að svo stöddu.
