Leikstjórinn Alan Taylor, sem leikstýrt hefur Game of Thrones sjónvarpsþáttunum og Thor: The Dark World, hefur tekið að sér að leikstýra Terminator 5, samkvæmt heimildum Variety kvikmyndaritsins.
Enn sem komið er er ekki vitað hver söguþráður myndarinnar verður, nema að þetta sé fyrsta myndin í sjálfstæðum þríleik. Arnold Schwarzenegger, sem lék aðalhlutverkið í fyrstu þremur myndunum, mun koma fram í þessari, en ekki er enn vitað hvaða hlutverk hann mun leika.
Tökur eiga að hefjast upp úr næstu áramótum.