Quentin Tarantino ætlar að hætta að leikstýra áður en hann verður orðinn of gamall.
„Ég vil ekki verða gamall kvikmyndagerðarmaður. Ég vil hætta á ákveðnum tímapunkti. Leikstjórar verða ekki betri með aldrinum. Oftast eru fjórar síðustu myndirnar á ferli þeirra þær verstu,“ sagði hinn 49 ára Tarantino við Playboy.
„Kvikmyndirnar sem ég sendi frá mér skipta mig miklu máli. Ein slæm getur eyðilagt þrjár góðar. Ef ég ákveð að hætta eftir tíu myndir væri það ágætis listræn yfirlýsing. “
Nýjasta mynd hans, Django Unchained, er sú áttunda í röðinni og verður hún frumsýnd hérlendis í janúar.
