Það styttist óðum í frumsýningu framhaldsmyndarinnar Dumb And Dumber To, með þeim Jim Carrey og Jeff Daniels í aðalhlutverkum, en í gær var tilkynnt að frumsýning myndarinnar yrði eftir tæpt ár í Bandaríkjunum, eða 14. nóvember 2014.
Á frumsýningardaginn þá munu aðeins verða þrjár vikur í að tuttugu ár verði liðin frá frumsýningu fyrstu myndarinnar, Dumb and Dumber, sem þénaði meira en 250 milljónir Bandaríkjadala í sýningum um allan heim. Leikstjórar eru þeir bræður Peter og Bobby Farrelly, en Dumb and Dumber var fyrsta mynd þeirra sem leikstjóra.
Dumb And Dumber To segir frá því þegar þeir félagar Lloyd og Harry fara í ferðalag til að leita að barni sem Harry vissi ekki að hann ætti.
