Ný íslensk gamanþáttaröð, Boltamömmur, er komin í Sjónvarp Símans Premium.
Hugmyndin kviknaði, samkvæmt Lilju Nótt, á hliðarlínunni í hennar eigin „boltamömmulífi“, þar sem hún segir alltaf nóg af hasar og drama – jafnvel meira utan vallar en innan hans.
Leikstjórn þáttanna er í höndum Hannesar Þórs Halldórssonar og Hafsteins Gunnars Sigurðssonar. Handritið skrifa Jóhanna Friðrika Sæmundsdóttir, Sóli Hólm, Hafsteinn Gunnar, Lilja Nótt og Hannes Þór.
Í helstu hlutverkum eru Kristín Þóra Haraldsdóttir, Lilja Nótt, Þorvaldur Davíð Kristjánsson, Hildur Vala Baldursdóttir, Anna Svava Knútsdóttir, Iðunn Ösp Hlynsdóttir, Ólafur Egilsson, Mikael Kaaber og Sverrir Þór Sverrisson, betur þekktur sem Sveppi.
Birkir Ágústsson, framkvæmdastjóri miðla hjá Símanum, segir að þættirnir færi áhorfendur beint á hliðarlínuna með sögur sem flestir fótboltaforeldrar ættu að kannast við.
„Það er alltaf jafn spennandi að frumsýna nýtt íslenskt leikið efni. Boltamömmur færa okkur beint á hliðarlínuna með sögur sem flestir fótboltaforeldrar ættu að kannast við. Við vitum að áhorfendur okkar kunna vel að meta íslenska kvikmyndagerð og viljum halda áfram að færa þeim metnaðarfullt íslenskt gæðaefni heim í stofu,” segir Birkir
Heimild: Síminn.
