Það má búast við rafmagnaðri spennu í nýjustu kvikmyndinni um kóngulóarmanninn, The Amazing Spider-Man 2.
Í stiklunni er kóngulóarmaðurinn orðinn þjóðþekkt persóna og margir horfa upp til hans. Hlutirnir breytast þó þegar nýr þorpari, Electro, leikinn af Jamie Foxx, kemur fram á sjónarsviðið og fáum við að kynnast því hvernig hann verður að þessu rafmagnaða fyrirbæri.
Andrew Garfield endurtekur titilhlutverk sitt, Emma Stone heldur áfram sem Gwen Stacy og Marc Webb leikstýrir á nýjan leik. Í hlutverkum þorparanna þriggja sem koma við sögu í myndinni eru þeir Jamie Foxx, sem leikur Electro, Dane DeHaan, sem leikur Harry Osborn/Green Goblin og Paul Giamatti, sem leikur Rhino.
The Amazing Spider-Man 2 verður frumsýnd þann 30. apríl næstkomandi.
