Út er kominn sjóðheitur þáttur af Bíótali þeirra Tómasar Valgeirssonar og Sindra Grétarssonar sem við hvetjum alla til að horfa á, enda eru þættirnir þrælskemmtilegir á að horfa, hraðar klippingar, spjallað er um eina bíómynd í hverjum þætti og bent á ýmsar tengingar við viðkomandi mynd.
Í þessum nýja þætti sem horfa má á í spilaranum á forsíðunni eða hér á TV síðunni okkar, fjalla þeir um Predators, og eru svona miðlungs hrifnir, og bera saman myndina og fyrirmyndina Predator með Arnold Schwarzenegger.
Í leiðinni má benda á næst nýjasta Bíótalið sem er ekki síður vandað og skemmtilegt, en þar fjalla þeir Tómas og Sindri um Knight and Day, og draga fram kosti þeirrar myndar og galla. Hérna má sjá Bíótalið á TV síðunni okkar, svo er Facebook-síðan þeirra hér.
Góða skemmtun.
