Nýjar myndir hafa verið birtar úr nýjustu mynd Brad Pitt, Fury, sem gerist í Seinni heimsstyrjöldinni og er leikstýrt af David Ayer.
Myndinni lýsir Ayer í stuttu máli sem rosalegri skriðdrekamynd, en í helstu hlutverkum öðrum eru Shia LaBeouf, Logan Lerman, Michael Peña og Jon Bernthal.
Um aðalleikarana segir Ayer í viðtali við People tímaritið: „Hann leikur hörkunagla, yfirdrifinn og ákveðinn gaur … þetta er öðruvísi hlutverk en við erum vön að sjá hann í,“ segir leikstjórinn um Pitt.
„Hann er ótrúlega góður í þessu … það er ánægjulegt að vinna með honum og ég get ekki beðið eftir að vinna með honum aftur,“ segir Ayer um LaBeaouf.
Myndin gerist í lok Seinni heimsstyrjaldarinnar, nánar tiltekið í apríl árið 1945. Bandamenn eru að færa sig lengra og lengra inn í Evrópu. Vígamóður liðþjálfi að nafni Wardaddy, sem Pitt leikur, er yfirmaður skriðdreka með fimm hermenn innanborðs, sem fer í lífshættulegan leiðangur yfir víglínuna. Þar lendir Wardaddy í miklu ofurefli liðs og menn hans þurfa að berjast hetjulegri baráttu til að ná að sigra óvininn.
Fury verður frumsýnd 14. nóvember 2014.
