Fólk er farið að iða svo mikið í sætum sínum af spenningi yfir þriðju Batman-mynd leikstjórans Christopher Nolan að það er fylgst reglulega með settinu og endalaust verið að leyfa upplýsingum að leka út, alveg óvart.
Batman-orðrómurinn í dag er mögulega talsverður spoiler, þannig að ef þig langar til að sjá The Dark Knight Rises ómeðvitaður um nokkurn skapaðan hlut þá myndi ég ekki lesa næstu málsgrein…
Scarecrow snýr aftur!
„Njósnararnir“ á settinu segjast hafa séð Cillian Murphy, sem gekk um í síðum, svörtum sloppi til að fela búninginn sinn. Ef þetta er staðreynd þá mun það eflaust gleðja flesta aðdáendur hinna myndanna þar sem örlög persónunnar hafa alltaf verið skilin eftir hangandi í lausu lofti.
Yrðir þú sáttur með það?
