Peter Jackson, leikstjóri myndanna um Hobbitann, hefur birt fjóra nýja auglýsingaborða fyrir næstu mynd í seríunni, The Hobbit: The Desolation Of Smaug, á Facebook síðu sinni.
Á myndinni má sjá margar helstu persónur myndarinnar. Þær eru dularfullar á svip, í glóandi birtu og úti í snjóhríð, ásamt því sem dvergarnir eru til alls líklegir, með sverðin á lofti.
Þetta síðastnefnda kemur ekki á óvart þar sem þessi önnur mynd í þríleiknum er öll um það þegar dvergarnir reyna að endurheimta konungsríkið Erebor úr klóm drekans Smaug.
Thranduil, sem Lee Pace leikur, fær sérstakan borða, og einnig sjáum við Luke Evans í hlutverki bogmannsins Bard. Að auki sést glitta í breska gamanleikarann Stephen Fry skeggjuðum í bakgrunni.
The Hobbit: The Desolation Of Smaug kemur í bíó 13. desember nk. í Bandaríkjunum.