Ný Lara Croft fundin

alicia vikanderÓskarsverðlaunaleikkonan Alicia Vikander hefur verið ráðin til að leika aðalhlutverkið í tölvuleikjamyndinni Tomb Raider.

Leikstjóri verður Roar Uthaug, leikstjóri The Wave, sem verður frumsýnd hér á landi 6. maí nk.

Myndin mun segja sögu Croft á yngri árum, í sínu fyrsta ævintýri.

Flestir ættu að muna eftir Angelinu Jolie í fyrri tveimur Tom Raider myndunum,  Lara Croft: Tomb Raider frá árinu 2001 og Lara Croft: Tomb Raider: The Cradle of Life, frá árinu 2003.

Eins og það er orðað í The Hollywood Reporter vonast Vikander, sem vann Óskarinn fyrir leik sinn í The Danish Girl, til að Tomb Raider geri það sama fyrir sig myndirnar gerðu fyrir Jolie, að myndin verði að seríu sem lyfti ferli hennar á ofurstjörnustall.

Aðrar myndir sem Vikander hefur leikið í nýlega eru Ex Machina, Burnt og The Man From U.N.C.L.E.  Síðar á þessu ári þá má sjá hana í The Light Between Oceans og njósnatryllinum Jason Bourne.