Haffa

Eins og hefur oft komið fram þá var þessi mynd ekki auglýst/markaðsett nógu vel. Þetta er ekki falleg ástarsaga og mæli með að fólk lesi sig til um myndina áður en það horfir á hana með tilliti til \"triggera\".

Virkilega vel gerðir og vandaðir þættir! Kann að meta að það er engin hávær dramatísk tónlist undir hverju atriði. Leikararnir allir virkilega mannlegir og flottir í sínum hlutverkum. Heilbrigðisstarfsfólk eru auðvitað englar.

Þarf varla að skrifa gagnrýni. Bara slepptu því að horfa á hana og horfðu á gömlu upprunalegu teiknimyndina. Eitthvað verið að reyna nútímavæða eða ná til nýs áhorfendahóps, ég veit ekki en úr varð bara algjör steypa.

Tók mig smá tíma að komast inn í söguna en varð ekki fyrir vonbrigðum. Virkilega spennandi.

Ágætis afþreying en hélt ekki athyglinni minni neitt svakalega. Samt góð pæling, hefði mátt vera meira lagt í hana.

Stóðst væntingar. Vel gerð, maður var alveg \"invested\" í karakterunum og spenntur að sjá hvernig þetta færi. Bara ekkert síðri en bókin, dare I say.

Varð fyrir vonbrigðum með þessa. Góð pæling með söguna en bara ekki nógu vel framkvæmd.

Hefði getað verið miklu betri. Söguþráðurinn svolítið útum allt og margt sem maður var að bíða eftir að fá kannski útskýringu á en kom aldrei. Svolítið eins og þeir voru ekki alveg viss hvernig mynd þetta átti að vera.

Ekki eins svakaleg miðað við hvernig hún var auglýst. Svolítið þunn en ágætis afþreying.

Fór út í hléi, eru það ekki nægar upplýsingar.

Jessie Buckley á þessa kvikmynd! Ég gapti yfir frammistöðu hennar. Ef hún fær ekki öll verðlaunin fyrir þessa mynd, þá kaupi ég mér hatt og ét hann.
Sökk alveg inní ástarsöguna, sem er bjóst hreinlega ekki við að gera. Alveg þess virði að sjá.

Ég var alveg ótrúlega hrædd um að þessi saga yrði rifin í sundur og sett saman sem eitthvað allt annað og úr yrði algjör vitleysa en vávává hvað þetta tókst vel! Vel leikin, vel gerð, falleg að horfa á! Eins og Wuthering Heights af gamla skólanum og Lísa í Undralandi í bland!

Conjuring myndirnar eiga sérstakan stað í hjarta mínu. Patrick Wilson og Vera Farmiga fara svo vel með þessi hlutverk og maður heldur svo mikið með þeim. Sama hvort þessar sögur séu sannar eða ekki þá er þetta skemmtileg og spennandi mynd.

Voðalega lítið annað að segja en bara leiðinleg.

Í fávísi minni hugsaði ég að A Quiet Place: Day One yrði nú alls ekki síðri en Quiet Place 1 og 2, en nei. Átti alveg einstaklega erfitt með að koma mér í gegnum þessa mynd. Óþarfi að sjá þótt maður sé aðdáandi QP 1 og 2.

Mjög spennandi og vel gerð!

Alveg ótrúlega langdregin og þreytandi. Reynt að fá mann til að finna til með aðalkarakterunum en það tókst bara engan vegin. Veit varla um hvað þessi mynd snérist.

Finnst eins og það sé ekki oft sem framhalds myndir ná að halda í við fyrri kvikmyndina en þessari tókst það! Skemmtileg, spennandi, fyndin og Samara Weaving geggjuð final girl með sturlað \"horror öskur\"!
Mæli með!