Nokkrar staðreyndir …

Þessar staðreyndir birtust fyrst í októberhefti Mynda mánaðarins:

Bradley Cooper flat out cold in new trailer for The Hangover 12Bradley Cooper fékk 600 þúsund dollara fyrir leikinn í fyrstu Hangover-myndinni, 5 milljónir dollara fyrir leikinn í The Hangover II og 15 milljónir dollara fyrir að
leika í þeirri þriðju.

Olivia Wilde heitir í raun Olivia Jane Cockburn en tók sér listamannsnafnið „Wilde“ í höfuðið á írska rithöfundinum og skáldinu Oscari Wilde.

Mark_Ruffalo-2Mark Ruffalo segist hafa farið í um 800 prufur áður en hann fékk sitt fyrsta launaða kvikmyndahlutverk. Allan tímann, eða í tíu ár, vann hann fyrir sér sem barþjónn.

Charles Harrelson, faðir leikarans Woody Harrelson, var dæmdur í lífstíðarfangelsi fyrir að myrða alríkisdómara í maí 1979.

Michael Keaton heitir í raun Michael Douglas, en breytti eftirnafni sínu til að vera ekki
ruglað saman við nafna sinn.

Diane Keaton heitir í raun Diane Hall og var oft kölluð Annie á sínum yngri árum. Þaðan kemur nafnið á persónunni Annie Hall sem Woody skrifaði sérstaklega með Diane í huga.

Vincent D’Onofrio á metið í þyngdaraukningu sem var sérstaklega náð fyrir kvikmyndahlutverk. Hann þyngdi sig um 35 kíló fyrir hlutverk sitt í myndinni
Full Metal Jacket. Í öðru sæti er Robert De Niro sem þyngdi sig um 30 kíló fyrir myndina Raging Bull.

SF_Halle_Berry_031Halle Berry var fyrsta þeldökka konan frá Bandaríkjunum til að taka þátt í Miss World-keppninni.

Upphaflega var það Henry Cavill sem átti að leika Edward Cullen í Twilightmyndaflokknum samkvæmt ósk höfundarins, Stephenie Meyer, en þegar kom að gerð myndarinnar þótti hann orðinn of gamall fyrir hlutverkið.

Móðir leikkonunnar Diane Lane, Colleene Farrington, var miðopnustúlka tímaritsins Playboy í október 1967.