Ágústhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í ágústmánuði, sem og nýjum myndum sem gefnar verða út á DVD, Blu-ray og/eða VOD í mánuðinum.
Á forsíðum blaðsins eru tvær spennandi kvikmyndir sem margir hafa beðið eftir með mikilli eftirvæntingu – annarsvegar spennu-gamanmyndin The Spy Who Dumped Me, með Mila Kunis í aðalhlutverki, og hins vegar nýjasta Mission: Impossible myndin, Fallout, sjötta myndin í þessari langlífu og vinsælu seríu.
Mission: Impossible er nú þegar farin í sýningar en The Spy Who Dumped Me kemur í bíó í næstu viku.
Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.
