Leikkonan Naomi Watts þurfti að horfa á myndbönd af fólki sem var drepið á hryllilegan hátt, þegar hún var að undirbúa sig undir hlutverk í nýjustu mynd sinni, Fair Game.
Watts, sem er frá Ástralíu, leikur í myndinni bandaríska fyrrum njósnarann Valerie Plame.
Í nýlegu viðtali segir Watts að hún hafi þurft að gangast undir alvöru njósnaþjálfun í herbúðum CIA leyniþjónustunnar.
„Fyrsta hálftímann, sýndu þeir mér myndbönd af fólki sem var drepið á hryllilegan hátt, til að venja mig við slíkt. Næst vissi ég ekki fyrr en ég var handjárnuð með hendur aftur fyrir bak, og mér hent inn í vörubíl. Mitt verkefni var að sleppa þaðan lifandi,“ segir Naomi Watts.
Namoi, sem er 42 ára, segir að þjálfunin hafi verið sérstaklega krefjandi, bæði andlega og líkamlega, og hún hafi þurft að þola ýmislegt til að stilla sig inn á hugsunarhátt persónunnar sem hún átti að túlka.
„Um leið og leikstjórinn fór út úr herberginu, þá spörkuðu þeir í sköflunginn á mér og hentu mér í jörðina. Þegar ég kveinkaði mér, á var ég vöruð við, „ekki væla aftur, nema þú þurfir að fara á spítala“,“ bætti Watts við.
Naomi sagði að mesta áskorunin fyrir hana hafi verið að teikna upp sannfærandi mynd af Valerie, en hún lenti í því að bandaríska ríkisstjórnin kom upp um hana, sem gerði út af við feril hennar sem njósnari árið 2003.
„Þegar þú leikur einhvern sem er alvöru manneskja, og er á lífi, þá eykst þrýstingurinn á leikarann margfalt.
Allir Bandaríkjamenn þekkja þessa sögu. Ég vildi bara túlka hana eins sannfærandi og mér var unnt.“
Fair Game verður frumsýnd næstkomandi föstudag, þann 5. nóvember, í Bandaríkjunum.