Lucasfilm og Sagafilm tilkynntu um það í morgun að næsta Indiana Jones mynd muni vera tekin upp á Íslandi. Mun það verða fimmta myndin en sú fjórða kemur í kvikmyndahús um heim allann í maí.
Samkvæmt heimildum okkar hefur bæði George Lucas framleiðandi og Janusz Kaminski komið til landsins síðastliðna mánuði í leit að hentugum tökustöðum. „Aðal söguþráður fimmtu myndar gerist á Íslandi“ sagði Lucas í viðtali við CNN í morgun, en The Crystal Skull endar á því að Jones fer til Íslands.
Ekkert meira hefur verið gefið upp um söguþráðinn, en orðrómurinn er að myndin muni heita Indiana Jones and the Search for Excalibur.
Talsmaður Sagafilm segir að þeir séu mjög spenntir fyrir tökunum sem munu hefjast í júlí. Áætlað er að tökur standi yfir í fimm vikur. Sviðsmyndin hefur verið í smíði í nokkrar vikur en tökur verða í Hrútafirði og þá aðalega við Eyravatn.
Steven Spielberg mun að sögn leikstýra þessari mynd enda væri varla Indiana Jones mynd án hans. Ekki hefur verið staðfest hvort Harrison Ford snúi aftur sem fornleifafræðingurinn en Sean Connery hefur nú þegar gert samning um að snúa aftur á hvíta tjaldið sem Henry, og þannig rjúfa leikarafríið sitt sem hann hóf eftir tökur á LXG sem kom út árið 2003. „Ég vildi endirlega leika í Crystal Skull, en var því miður með tíma hjá tannlækni á sama tíma, svo ég missti af því.“
Við hjá Kvikmyndir.is munum auðvitað halda áfram að færa ykkur fréttirnar af fimmtu Indy myndinni og hver veit nema við stelumst inn á tökustað til að ná myndum af tökustaðnum. Við gerum allt fyrir athyglina.