Two Men in Town (2014)

Skilorðsfulltrúinn Emily (Brenda Blethyn) er nýflutt í smábæ í Nýju Mexíkó, rétt við landamæri Mexíkó. Hún vingast fljótlega við William (Forest Whitaker), en hann er einn af skjólstæðingum hennar og má ekki fara út fyrir sýslumörkin. William er nýorðinn frjáls eftir langa fangelsisdvöl en þarf sannarlega að hafa fyrir því að forðast gamla glæpalífið, enda skapstór með afbirgðum, gamlir samverkamenn eru við hvert fótmál að freista hans og lögreglustjórinn sem kom honum í fangelsi (Harvey Keitel) er alveg tilbúinn til þess að gera það aftur við fyrsta tækifæri.