Tré Fú Tom 5 - Kappaksturinn mikli (2015)

Stórskemmtilegar teiknimyndir um Tomma og félaga sem lenda á hverjum degi í ótal ævintýrum í ævintýralandinu Trjátoppólís. Teiknimyndirnar um Tomma, hinn trygga vin hans Sprota og ævintýri þeirra og vina þeirra í Trjátoppólís hafa notið mikilla vinsælda barna á aldrinum tveggja til sex ára og hafa verið sýndar á RÚV. Hver þáttur byrjar þannig að Tommi setur á sig töfrabelti, hleypur út í skóg og notar síðan krafta beltisins til að minnka sjálfan sig í hæfilega stærð svo hann geti heimsótt vini sína í trénu þar sem Trjátoppólís er og átt með þeim góðan dag. Á þessum diski er að finna sex nýja þætti. Þeir heita: Maurabú, Vaxtarverkir Sprota, Aðdáendaklúbbur Tomma, Spunakökudagar, Bangsinn hans Tomma og Kappaksturinn mikli.