Le Havre (2011)

Marcel Marx, fyrrum rithöfundur og vel þekktur bóhem, er í sjálfskipaðri útlegð í hafnarborginni Le Havre. Hann hefur gefið drauma um að slá í gegn í bókmenntaheiminum upp á bátinn og lifir góðu lífi sem snýst um uppáhalds barinn, vinnuna og konu hans Arletty, þegar fyrir einstaka tilviljun verður á vegi hans ungur flóttamaður frá Afríku. Um svipað leyti veikist Arletty alvarlega. Enn á ný þarf Marcel að klífa kaldan vegg afskiptaleysis með meðfædda jákvæðnina og samstöðu fólksins í hverfinu að vopni.