Babe: Pig in the City (1998)

Yndislega góð mynd frábær fjölskyldumynd. Alveg magnað hvernig hægt er að láta dýrin vera svona raunvöruleg. Þessa mynd á öll fjölskyldan að horfa á saman. Þetta er ein besta mynd ársins það er ljóst. Ég lofa góðri kvöldstund.

Hjartnæm ævintýramynd um smalagrísinn Babe sem neyðist til þess að fara með konu húsbónda síns í borgarferð til þess að safna peningum svo bjarga megi býlinu þeirra. Hlutirnir fara ekki sem skyldi, grísinn verður viðskila við eigandann og kemst í hann krappan þar sem stórborgin er ekki alltaf vingjarnlegur staður. Það var margt sem kom mér mjög á óvart við þessa mynd. Til að byrja með hafði ég alltaf álitið þetta vera fyrst og fremst barnamynd en það virðist hafa verið á misskilningi byggt því þetta er fyrst og fremst ævintýramynd sem allir ættu að geta haft gaman af, alveg sérstaklega dýravinir. Það mætti jafnvel ganga svo langt að segja að sum þemanna í myndinni væru ekki fyrir börn. Útlitslega séð er myndin stórkostleg. Þegar dýrin tala hreyfast varir þeirra í fullkomnu samræmi og sviðsmyndirnar eru fyrsta flokks. Skemmtilegt dæmi er útsýni af stórborginni þar sem látið er líta út fyrir að fræg mannvirki svo sem Eifell turninn, Golden Gate brúin, Empire State byggingin og fleiri séu öll í sömu borginni. Allt við þessa mynd er fyrsta flokks og ég hika ekki við að mæla með henni.