Stundin okkar - Gói, Gloría og vinir (2014)

Fjögurra diska safn með öllum þáttunum síðan Gói byrjaði að vinna í Stundarleikhúsinu ásamt öllum lögunum og mjög skemmtilegu blandi í poka! Stundin okkar nýtur alltaf mikilla vinsælda ungu kynslóðarinnar og í þessari DVDútgáfu er að finna alla þættina 24 sem gerðir hafa verið síðan hinn síungi og uppátækjasami Gói byrjaði að vinna í Stundarleikhúsinu. Þættirnir eru á tveimur diskum en á þeim þriðja er að finna öll lögin sem Gói hefur sungið í þáttunum. Á fjórða diskinum er síðan að finna ýmislegt bland í poka. Má þar nefna Bakvið tjöldin í Stundinni okkar þar sem fylgst er með hvernig einn þáttur verður til frá upphafi til enda og Laddaþáttinn, en það er glænýr og afar sniðugur þáttur með Ladda í aðalhlutverki. Í Jólastundinni er að finna söguna Jólaandann og svo skellum við okkur í fjörugt Áramótapartí þar sem m.a. Ómar Ragnarsson, dr. Gunni, Ingi Gunnar og strákarnir í Pollapönki fara á kostum. Rúsínan í pylsuendanum er svo Stundarskaup, en þar er á ferðinni fyrsta áramótaskaup Stundarinnar okkar! Stórskemmtileg og vönduð útgáfa sem gleður alla aðdáendur Stundarinnar okkar.