Tré Fú Tom (2012)

Stórskemmtilegar tölvuteiknimyndir um Tomma sem á hverjum degi heimsækir ævintýralandið Trjátoppólís þar sem hann lendir í ótal ævintýrum. Teiknimyndirnar um Tomma og ævintýri hans í Trjátoppólís hafa notið mikilla vinsælda barna á aldrinum tveggja til sex ára og hafa verið sýndar hjá BBC í Bretlandi og NBC Kids-sjónvarpsrásinni í Bandaríkjunum. Hver þáttur byrjar þannig að Tommi setur á sig töfrabelti, hleypur út í skóg og notar síðan krafta beltisins til að minnka sjálfan sig í hæfilega stærð svo hann geti heimsótt vini sína í töfratré einu þar sem bærinn Trjátoppólís er og átt með þeim skemmtilegan og fræðandi dag. Hver þáttur er 20-25 mínútur að lengd og á þessum diski er að finna sjö þætti. Þeir heita: Megi besta berið sigra, Skutluþraut, Zigzoo hinn bitri, Bless græningjar, Feluleikur, Óskhyggja og Vélmenni Zigzoos. Fylgist með frá byrjun!