If I Stay (2014)

Ung kona sem er í dái eftir bílslys þar sem foreldrar hennar og bróðir létu lífið upplifir sig utan líkama síns og þarf að ákveða hvort hún ætli að deyja líka eða lifa með harminum og sorginni. Mia Hall er góður námsmaður og afar efnilegur sellóleikari sem með öflugum stuðningi fjölskyldu sinnar á svo sannarlega framtíðina fyrir sér. Þess utan virðist hún þegar hafa hitt stóru ástina í lífi sínu en hann heitir Adam og er tónlistarmaður eins og hún. Dag einn þegar Mia er á ferð með foreldrum sínum og yngri bróður lenda þau í geysihörðum árekstri. Strax eftir áreksturinn upplifir Mia sig utan síns eigin líkama og sér hvar hún er flutt á sjúkrahús þar sem hún uppgötvar að foreldrar hennar og bróðir eru látin. Um leið þarf hún að ákveða hvort hún ætli að deyja líka eða hvort hún ætli að berjast fyrir lífinu og lifa með sorginni í faðmi unnusta síns ...