Lucy (2014)

Lucy gerist í heimi fullum af mafíósum, klíkum, spilltum löggum og eiturlyfjafíklum. Lucy er ung kona sem gengur í gildru glæpamanna og er byrlað sterkt svefnlyf. Þegar hún rankar við sér hafa glæpamennirnir komið fyrir í iðrum hennar eiturlyfjum og ætla að neyða hana til að smygla þeim fyrir sig á milli landa. Áður en af því verður er Lucy hins vegar misþyrmt af einum fangavarða hennar með þeim afleiðingum að hylkið inni í henni springur og eiturlyfið lekur út í blóðið. Þetta hefði auðvitað átt að verða Lucy að bana en verður þess í stað til þess að hugarorka hennar byrjar að hækka upp úr öllu valdi og skapar henni um leið hæfileika og krafta sem eru langt umfram allt sem mannlegt er ...