I Love One Direction (2014)

Heimildarmynd um strákabandið One Direction, gerð af aðdáendum þessa vinsæla sönghóps fyrir aðdáendur og með sérstakri áherslu á aðdáendur. Það var vorið 2010 sem þeir Niall Horan, Zayn Malik, Liam Payne, Harry Styles og Louis Tomlinson sóttu hver í sínu lagi áheyrnarprufur í bresku X-Factor-þáttunum. Allir komust þeir áfram en féllu síðan út þegar kom að vali í „Judges House“-hlutann. Þá lagði einn dómaranna, Nicole Sherzinger, það til að strákunum yrði gefinn kostur á að sameinast og fara áfram sem eitt band í „groups“-flokknum. Piltarnir þáðu að sjálfsögðu það tækifæri og er skemmst frá því að segja að þeir smullu strax saman sem ein heild, ekki bara sem sönghópur heldur einnig sem bestu vinir og félagar. Um leið varð til stór hópur aðdáenda (kallaðir Directioners) sem óx gríðarlega næstu vikur og mánuði og í þessari fjörugu mynd er áherslan lögð á að segja frá upplifun þeirra af ævintýrinu.