Dead Men Don't Wear Plaid (1982)

Myndin er grínútgáfa af film-noir kvikmyndum fimmta áratugs 20. aldarinnar. Rigby Reardon á í samskiptum við mikinn fjölda Hollywood goðsagna, svo sem Humphrey Bogart, Kirk Douglas, Burt Lancaster, Edward Arnold, Barbara Stanwyck, Ingrid Bergman, Veronica Lake, Bette Davis, Lana Turner og Joan Crawford, í runu af 17 klippum úr gömlum svart-hvítum myndum. Rigby er ódýr spæjari sem situr á skrifstofunni og bíður eftir verkefnum. Skyndilega kemur Juliet Forrest inn á skrifstofuna hjá honum og það líður yfir hana á gólfinu þegar hún sér frétt í blaðinu um að faðir hennar hafi látist í bílslysi. Juliet er sannfærð um að faðir hennar hafi verið myrtur og býður Rigby 200 Bandaríkjadali til að rannsaka málið. Hann leitar á skrifstofu Hr. Forrest, og finnur þar nafnalista undir fyrirsögninni „Vinir og óvinir Carlotta“. Eftir því sem þau tvö flækjast meira og meira inn í ráðgátuna, þá rekast þau á hinn önuga Nasista yfirþjón, Field Marshal Von Cluck, og of hjálpsaman mexíkóskan vin, Carlos Rodriguez.