Regn (2008)

Ofsaregn hefur dunið óslitið á Buenos Aires í þrjá daga samfleytt. Alma og Roberto eru tveir ráðvilltir einstæðingar á ferð í ofsaveðrinu. Alma yfirgaf sambýlismann sinn fyrir nokkrum dögum og býr nú tímabundið í bílnum sínum. Roberto er nýfluttur aftur til landsins eftir þrjátíu ára dvöl erlendis. Hér er ekkert sem tengist honum annað en aldraður faðir sem liggur nú í dái og ein íbúð.