Play Misty for Me (1971)

Útvarpsmaðurinn Dave Garver lendir í því að geðsjúkur aðdáandi að nafni Evelyn Draper hringir í sífellu til hans í úvarpið. Evelyn biður Dave síðan að sækja sig á bar. Síðar sama kvöld viðurkennir Evelyn að hún sé sú sem hefur verið að hringja í hann í úvarpið og biðja alltaf um sama lagið, hið sígilda Misty með Erroll Garner. Upp frá þessu þá fjallar myndin um það hvernig eitt sakleysislegt stefnumót getur umbreytt lífi þínu. Evelyn eltir nú Garver hvert sem hann fer, og eyðileggur viðskiptahádegisverði sem hann situr með öðru fólki, ræðst að aðstoðarkonu hans, skemmir húsið hans og eigur, og að lokum hótar hún að meiða kærustuna hans, Tobie Williams. Það er nokkuð ljóst að það verður erfitt að hlusta á Misty aftur, nema að líta í kringum sig og athuga hvort að einhver geðsjúklingur sé nálægt....