The Simpsons Movie (2007)

Ég er maður sem hef ávalt haldið mikið upp á Simpsons, og er ekki sá eini, því ég held að fleyrra fólk viti hver hómer simpsons er heldur en Jesú.

Þættirnir fynnst mér rosalega góðir og þó að það sé búið að gera 17 eða 18 seríur fæ ég aldrei nóg.

Mig persónulega finnst þeir samt ekki hafa staðið fyrir þeim væntingum sem ég hafði gagnvart simpsons the movie.

Þetta er algjörlega bara langur simpsons þáttur og ekkert það góður þáttur meiri segja, og heldur ekkert rosalega langur því myndin er bara einn klukkutími og 14 mínútur.

Það er að sjálfsögðu mikið af góðum bröndurum í myndinni, og fullt af fyndnum atriðum en samt ekki nóg. Söguþráðurinn er alveg fáránlega þunnur og bara frekar leiðinlegur því miður.

En ég held samt að flestir hafa eða muna hlæja af myndinni annars ertu maður með enga sál.

En eins og ég segi þá stóð hún alls ekki fyrir þeim væntingum sem ég ætlaðist af henni en samt ágætis skemmtun.

Ég hef verið mikill Simpsons aðdáandi frá því að ég var gutti og hef séð flesta þættina. Ég varð fyrir vonbrigðum þegar ég sá þessa mynd í bíó, algjör vitleysa frá byrjun til enda. Kannski eitt og eitt atriði sem var gott.

Jæja, jæja, The Simpsons Movie hvar skal byrja? Ég var búinn að bíða í ofvæni eftir þessari mynd enda hef ég séð nánast hvern einasta þátt með þessari vinsælu fjölskyldu og var því vitaskuld spenntur. Ég skellti mér á frumsýningu og skalf næstum því þegar hún byrjaði, ég varð alls ekki fyrir vonbrigðum. Myndin var með þeim betri grínmyndum sem ég hef séð og hélt hún dampi alla myndina og var ég skellihljæandi með. Ég fór með vinahópi og fékk hún misgóða dóma hjá vinum mínum og sumir sofnuðu mér til mikillar gremju. Kannski þarftu bara að elska þættina til að sjá myndina? Mér fannst einkar skemmtilegt hvernig myndin fjallaði jafnt um allar persónur fjölskyldunnar en þættirnir eiga það til að fjalla aðallega um eina til tvær af þeim og eru hinar uppfyllingarefni. Persónulega held ég að þessi mynd verði klassík og ef þú fílar þættina þá áttu eftir að elska myndina.

Hefði þessi mynd komið út fyrir svona 5-10 árum, þá hefði ég sjálfsagt tekið mun betur á móti henni, enda fór ég á hana með meiri kvíða heldur en tilhlökkun. Þættirnir eru búnir að vera rúllandi núna í tæplega tvo áratugi og er það vel áberandi að þeir eru löngu komnir yfir hápunkt sinn. Fyrstu 10 seríurnar (rétt um það bil) voru hátt í frábærar, en með undanförnum árum hefur þetta dalað svo allsvakalega að ég fór á endanum að missa áhugann á einhverju sem var áður eitt af mínum uppáhalds fyrirbærum. The Simpsons Movie er þolanleg afþreying, og jafnvel helvíti fyndin sumstaðar. Fyrstu 15 mínúturnar eða svo voru óneitanlega þær bestu, og í kringum það leyti var ég farinn að fyllast góðri trú um að restin af heildinni gæti orðið góð. En rétt eins og seríurnar, þá fór þetta allt saman sígandi. Ég er ekki að segja endilega að húmorinn hafi ekki virkað, því hann gerði það í nokkrum tilfellum, en söguþráðurinn er aftur á móti svo leiðinlegur og óspennandi að hálfa væri nóg. Margir myndu sennilega leiðrétta mig með því að segja að söguþráður skipti kannski litlu þegar Simpsons-mynd er um að ræða, og að allt eigi að snúast um brandaranna. Svo má alveg vera, en brandararnir virkuðu ekki á mig í meirihlutanum eins og ég hefði vonast og söguþráðurinn á að virka sem góður grunnur fyrir þá. Myndin er alveg broslega fyndin á köflum en aldrei eitthvað sprenghlægileg. Hún reynir líka svo harkalega á sig til að vera fyndin og það sést aðallega á því hvað hún er sketcha-bundin, í stað þess að láta húmorinn þróast upp úr aðstæðunum. Aðstandendur vildu sennilega hylja það upp sem mest hvað myndin væri þunn með því að halda athygli áhorfandans miðaða á þessa random brandara. Söguþráðurinn – þrátt fyrir að vera ekki meira en beinagrind – skiptir þó einhverju máli, og mér fannst plottið vera eitthvað svo stefnulaust í þessari mynd, og miðað við hversu margir menn voru á bakvið handritið er mér óskiljanlegt að ekki hafi fundist innihaldsríkara og meira spennandi plott. Öll áherslan er því miður lögð á samfélagsádeilur og stutta, samhengislausa sketcha (hver var t.d. tilgangurinn með Tom Hanks eiginlega??). The Simpsons Movie er í mínum augum vonbrigði á allan hátt. Þetta er ekki Simpsons húmorinn eins og hann gerist bestur, og þykir mér mun betri hugmynd að horfa bara á gömlu, klassísku seríurnar. Stór mistök líka að fá ekki Conan O´Brien um borð fyrir handritið. Hann var pottþétt einn af betri pennum þáttana.5/10

Fyrir um 20 árum síðan komu fram á sjónarsviðið teiknimyndapersónur sem áttu eftir að verða mjög þekktar og vinsælar. Þetta voru persónur sem áttu það sameiginlegt að búa í bænum Springfield í Bandaríkjunum. Aðaláherslan var á eina fjölskyldu, Simpsons fjölskylduna sem allir ættu nú að vera farnir að þekkja. Búið er að framleiða nokkur hundruð þætti. Síðustu seríur um þessa fjölskyldu hafa verið frekar slappar og þessi sjónvarpsvinir okkar hafa því misst fjölmarga aðdáendur. Framleiðendur Simpsons þáttana sáu sér þá leik á borði og ákváðu að framleiða kvikmynd um þessa fjölskyldu til að hleypa nýju lífi í þennan myndaflokk. Því miður tókst það ekki því kvikmyndin er frekar lík síðustu seríum af Simpsons þar sem sögurþráðurinn er teygður og togaður í allar áttir.

Í myndinni koma helstu aðalpersónurnar í Springfield fram (saknaði þó að Skinner skólastjóri var lítið sem ekkert í myndinni). Myndin gengur út á það að Springfield hefur verið lýst mengaðasta borg í heimi og yfir hana er sett glerhjúpur þannig að enginn kemst út og enginn kemst inn. Simpsons fjölskyldan finnur fljótlega leið út og ákveður að bjarga málunum.

Það er mikil áhersla á umhverfismál og fjölskyldumál í þessari mynd og í sjálfu sér er það af hinu góða. Það var samt þannig að þessi mál skyggja of mikið á brandarana sem eiga að vera allsráðandi. Þettir gerir það að verkum að margir brandarar hitta ekki í mark. Sumir gera það, en allt of fáir.

Myndin er óaðfinnanleg útlitslega séð og grafíkin hefur verið bætt þannig að þessar persónur eru meira lifandi.

Heilt yfir er þetta ágætis skemmtun en skilur sáralítið eftir sig. Ég hefði frekar átt að bíða eftir myndinni á DVD því þetta er í sjálfu sér eins og langur Simpsons þáttur.

Frábær skemmtun fyrir alla fjölskylduna og aðdáendur Simpsons.



Sjálfur hef ég ekki mikið horft á Simpsons en alltaf fundist þeir skemmtilegir og fékk ég meira en ég bjóst við úr myndinni, þrátt fyrir að hafa fundið fyrir þokkalegum Hollywood keim yfir allavega einu atriðinu í myndinni.





Um að gera að skella sér á myndina sem fyrst og/eða leigja hana.

Mælist með að hafa 2x stóra popp poka við hendina, og amk. 2 lítra af gosi, og ílát til að losa þvag í, enda vill maður ekki missa af neinu þarna.



35 af 40 í einkun frá mér (miðast við stjörnugjöf kvikmyndir.is).

Simpson fjölskyldan þarf að taka sig til og bjarga Springfield þegar slys gerist og fer allt í vitleysu, eins og vanalega þegar kemur að Simpsons fjölskyldunni.



Þetta er grínmynd fyrir alla aldurshópa og er það alltaf einhver atriði til að hlægja af. Trail'erinn virðist gefa manni tilfinningu fyrir hvernig myndin sjálf er, en það þarf að sjá hana til þess að vera viss og þá sér maður að myndin er allt öðruvísi.



Afhverju bara þrjár og hálfa stjörnu í staðinn fyrir fjórar? Ég hef ekki svarið við því, en ég veit að ég gat hlegið af flestu heimskulegu bröndurunum og hvað eina, svo að það er einhvers virði.

Bráðskemmtilegur langur Simpsons þáttur, en það er það sem Simpsons Movie eiginlega er. Að sjálfsögðu er það ekki slæmur hlutur, því þetta smellur allt saman. Homer er sami bjáninn og vanalega, og stóra málið í myndinni er eitt stórt megaklúður sem hann veldur. Á sama tíma reynir á fjölskylduböndin hjá Simpsons fjölskyldunni, Maggie finnur ástina sína, Bart lendir í föðurkrísu, Marge endanlega missir þolinmæðina gagnvart, Homer þarf að finna sjálfan sig, redda hjónabandinu og bjarga Springfield frá klúðrinu sem hann bjó til. Það er alls ekki þannig að þetta sé eitthvað 'meellow' gráturmynd. Ó-Nei, ó-nei, ó-nei!!!

Ég er á þeirri skoðun að Simpsons þættirnir hafa verið á stöðugri niðurleið seinustu árin, ég var og er ennþá Simpsons aðdáðandi en ég hætti að fylgjast með eftir að það varð ljóst að þættirnir væru orðnir lélegir. Þrátt fyrir það að kvikmyndin sé skrifuð af flestum þeim sem skrifuðu gömlu góðu þættina þá eru áhrifin frá nýju þáttunum mun meira áberandi, einnig þá vantar Conan O'Brien sem var líklega besti handritshöfundur Simpsons þáttanna á sínum tíma. Myndin fjallar um Simpsons fjölskylduna í ótrúlegum aðstæðum mikið eins og nýju þættirnir gera sem er fyrsti ókosturinn að mínu mati því að gömlu þættirnir náðu nánast alltaf að viðhalda sterkum gæðum án þess að koma með 'larger than life' söguþræði. Í kvikmyndinni þá þarf Simpsons fjölskyldan að bjarga Springfield, þessum 'larger than life' söguþræði er teygt í allar mögulegar áttir og brandarar eru til staðar á nokkra sekúndna fresti til þess að fela þennan slappa söguþráð. Annar ókostur við myndina er að aðeins hluti af bröndurunum voru fyndnir og miðað við að kvikmyndin sé 80 mínútur þá finnst mér það mjög slappt að ég fékk ekki einu sinni hláturskast. Brandararnir eru mikið 'hit & miss' en meira af því síðarnefnda, ég veit um marga Simpsons þætti sem slá út myndina í húmorskalanum. Það eru þó góðir punktar við myndina, fyrri hlutinn á myndinni var sæmilegur því þar var reynt að byggja upp persónur, t.d þá finnst mér Bart Simpsons ennþá betri persóna eftir að hafa séð kvikmyndina því að fjallað er um hve gífurlega ruglaður hann er í lífinu. Mér fannst það vera mjög vel gert og það kom mér á óvart að grafið skildi vera svona djúpt inn í persónu sem hefur nánast alltaf verið eins. Mér fannst þessi mynd alls ekki leiðinleg, hún er frekar skemmtileg og hefur marga fína brandara en þetta er ekki beint kvikmyndin sem er þess virði að bíða eftir öll þessi ár þar sem það er allavega áratugur síðan fyrstu fréttirnar af Simpsons kvikmynd birtust. Hinsvegar þá er það líklegt að þessi mynd verður dýrkuð hérlendis af öllum þeim sem fíla Simpsons (sem eru nánast allir), þ.e.a.s ný tískumynd sem aðeins fáir fíla ekki. Ég, persónulega veit ekki alveg hvað ég á að segja, ég fílaði hana að vissu leiti en að miklu leiti þá fílaði ég hana ekki. Væntingar mínar höfðu ekki verið miklar en samt þá finnst mér eins og ég sé vonsvikinn, en miðað við hve lélegir nýju þættirnir eru orðnir þá er Simpsons Movie stórt skref upp. Simpsons aðdáðandinn í mér vill gefa myndinni tvær og hálfa stjörnu, gagnrýnandinn í mér vill gefa myndinni tvær stjörnur, ég held ég ætla frekar að fara eftir gagnrýnendanum þetta skiptið.