Alpha Dog (2006)

Þessi mynd var mun betri en ég bjóst við, get ekki sagt annað. Myndin byggist á sönnum atburðum úr eiturlyfjaheimi úthverfanna. Mér fannst Justin Timberlake svo slakur í Black Snake Moan að ég var búinn að afskrifa hann sem leikara. Hér er hann mun betri. Líklega vegna þess að hann er að leika hlutverk sem er mun nær honum sjálfum. Fernando Vargas, fyrrverandi súper-veltiviktameistari í hnefaleikum er einn af genginu. Hann ætti frekar að berjast en að leika. Reyndar á hann líka að hætta því, en það er önnur saga. Annars myndin almennt vel leikin, Bruce Willis og Sharon Stone eru á svæðinu og fullt af lítið þekktum ungum leikurum sem standa sig allir vel, sérstaklega Ben Foster. Helvíti góð mynd bara.