The 40 Year Old Virgin (2005)

Gamanmyndir sem ganga út á gredduhúmor og kynlíf eru ekki eitthvað sem ég tel vera eitthvað sérstakt uppáhald. Til eru margar djöfulli góðar, en mér finnst þær langoftast bara alltof ósmekklegar og dæmigerðar til þess að vera fyndnar. The 40 Year Old Virgin er örugglega einhver besta mynd sinnar tegundar sem ég hef séð lengi. Titill þessarar myndar er býsna sjálflýsandi svo óþarft er að rekja söguþráðinn, en Steve Carell hefur allavega það hlutverk að bera myndina uppi einn eftir að hafa brugðið fyrir í misstórum aukahlutverkum áður. Eftirminnilegast hlýtur að vera þegar hann fór á kostum sem veðurfréttamaðurinn í Anchorman. Carell hefur þó ótrúlega mikinn sjarma sem leikari, og manni líkar fljótt við hann. Persóna hans í þessari mynd er vel skrifuð og þegar lengra líður á er erfitt að halda ekki með þessum einstaklingi... og þar af leiðandi halda upp á "baráttu" hans til að ná sér í kvenmann. Það kemur skemmtilega á óvart hversu hugljúf myndin er, þ.e.a.s undir öllu sjúka yfirborðinu þar sem kynfærahúmor, hommabrandarar og ódauðlega mikið magn af ljótum orðbrögðum og klúrum kynlífssamtölum ræður ríkjum. Catherine Keener er traust mótileikkona og skilar sínu vel, þó svo að hún leiki nánast alltaf sömu persónuna. Paul Rudd á einnig góða spretti sem einn vinurinn, sömuleiðis Seth Rogen. Það helsta sem ég get notað til að setja út á þessa mynd er örugglega lengdin. Myndin gengur í ca. tvo klukkutíma og finnur maður auðveldlega fyrir þegar hún byrjar að dragast út. Aftur á móti þá bætir hún það samstundis upp með einhverjum alfyndnasta og óvæntasta endi ársins! Pjúra snilld!! Þokkalega meðmælisins virði eitt og sér. Ásamt Wedding Crashers er The 40 Year Old Virgin án efa með þeim betri gamanmyndum sem ég hef séð á árinu og er hún gulltryggt úrval fyrir þá aðila sem vilja ganga brosandi út (sem í þessu tilfelli - eftir þennan endi - er mjög líklegt), þ.e.a.s. þeir sem móðgast ekki léttilega eða eru viðkvæmir fyrir misnotkun á ljótu orðbragði...7/10

Ég vel þetta bestu gamanmynd ársins. Ég hef ekki hlegið jafn mikið í aldir . Þessi mynd var fín fyrir alla þá sem eru til í eitthvað nýtt. Ef þú vilt fá eitthvað sem fær þig til að hlægja eða grenja úr hlátri þá áttu að fara á þessa mynd.

Hún er besta gamanmynd á þessari öld.

Ég hafði heyrt mjög góða hluti um þessa mynd og fór með miklar væntingar og varð fyrir vonbrigðum.

Handritið í þessari mynd er glatað, myndinn er alltaf löng og í seinni hluta myndarinnar er eins og þeir sem gerðu myndinna hafi ekkert vitað hvað þeir ættu að gera næst.

Lokatriðið er einnig alveg fáránlega ófyndið og það leit út eins og þeir hefðu gert þetta á tuttugu mínutum á einhverju fylleríi. En þessi mynd inniheldur marga ágæta brandara en líka marga lélega. Mæli með henni fyrir flesta sem eru ekkert að pæla djúpt í kvikmyndum og vilja borga 800 kall til að sjá nokkra brandara.

Ef þú ert komin í úlpu og skó og ert akkurat að hlaupa í bíó en ennþá ekki búin/n að ákveða myndina þá get ég alveg lofað því að 40 ára gamla hreina meyjan er bráðfyndin... ég meina ég náði því stigi að ég þurfti að spíta kóksopanum á gólfið þegar eitt hlátursatriðið skall á og það hrökk ofan í mig poppið í öðru atriðinu af hlátri.


Myndin fjallar um rólyndismann (Andy) sem unir sér vel í starfi í raftækjaverslun og gera starfsbræður hans allt hvað í þeirra valdi stendur til að hjálpa Andy að komast í bólið með kvennmanni (eitthvað sem hann hefur aldrei gert á ævinni)


Myndin er troðin af smáum sem stærri bröndurum og mikið af neyðarlegum atriðum sem pínlegt er að horfa á.


Myndin er sem betur fer ekki eins hálfvitaleg og American Pie sem yfirkeyrði aulahúmerinn og kom eiginlega bara 14 ára stelpum til að hlæja en þessi nær meira til hópsins sem fýluðu Friends.


Þannig ég fór alveg mjög sáttur út og í góðu skapi.

Þið vitið væntanlega úta f hvað þessi mynd gengur svo að ég nenno ekki að skrifa um það hér. En hún er ótrúlega vel heppnuð og ég var pínu hræddur um að þetta myndi verða of mikil neðanbeltishúmor(sem er reyndar mjög skemmtilegur í hófi) en þessi mynd fór ekki yfir strikið þar. Ég mæli með þesari ræmi og verður þú kvikmyndaáhugamaður góður ekki fyrir vonbrigðum með hana. Þetta er enginn óskars myndi en þó nóu góð til þess að ég gef henni 3 stjörnur.

p.s þú ferð brosandi út

The 40 Year Old Virgin er um fertugan mann að nafni Andy (Steve Carell). Hann á stórt safn af dótaköllum, er í þægilegri vinnu í raftækjabúð og hann er hreinn sveinn.

Ég bjóst við því að þessi mynd væri algjör steypa en svo var ekki. Þessi mynd kom mér mjög á óvart. Handritið er mjög vel skrifað af Judd Apatow og Steve Carell og er það mjög vandað og mjög fyndið.

Það er helling af bröndurum í þessari mynd og er maður nánast sífellt hlæjandi. Leikararnir standa langt upp úr og fara rosalega vel með hlutverk sín. Þetta er án efa ein af bestu gamanmyndum sem komið hafa síðastliðin ár.

Ég mæli hiklaust með henni. Ég gef henni 3 og 1/2 stjörnu en hún lækkaði um hálfa stjörnu hjá mér vegna lengdarinnar. En skemmtunin sem hún býður upp á bætir fyrir það.