Big Fish (2003)

Um daginn tók ég þá áhættu að kaupa BIG FISH á dvd án þess að hafa séð hana. Og ég sé alls ekkert eftir því! BIG FISH er örugglega besta mynd sem ég hef séð, tvímælalaust besta mynd Tim Burtons og góð tilbreyting inná dimma og drungalega stílinn

hans. BIG FISH segir frá Ed Bloom(EwanMcGregor,AlbertFinney)sem

er veikur og er að fara að deyja. Sonur hans, Will kemur til að vera hjá honum en þeir hafa ekki talað saman í mörg ár.

Ástæðan er sú að Ed hefur sagt ýktar sögur af sjálfum sér síðan

Will fæddist. Will vonar að á meðan hann er hjá honum fái hann að heyra sannleikann um pabba sinn en í staðinn upplifir hann allar sögurnar aftur. Albert Finney stendur sig vel sem Edward Bloom en Ewan McGregor snilldarleg sem Ed á yngri árum sínum.

Tónlist Danny Elfmans er óaðfinnanleg eins og alltaf og eins og ég segi er þetta langbesta mynd Tim Burtons. Eitt það besta við myndina er að í staðin fyrir að heyra bara sögur Ed's sjáum við þær eins og hann upplifir þær.......

Leikstjóri Tim Burton

Handrit: Daniel Wallace (novel)

John August (screenplay)



Þessi mynd er lauslega um son sem er vill læra meira um föður sinn sem er að deyja úr langfarandi veikindum. Vill læra um hinn rétta föður, því að faðir hans hefur bara sagt honum sögur, sögur um æsku sína og það sem hann er að gera meðan hann er í burtu, sem sonurinn er alveg hættur að trúa.


Þessi mynd er leikstýrð snillingnum Tim Burton (Batman, Edward Scissorhands, Sleepy Hollow og margar aðrar myndir) Og þeir sem hafa séð myndirnar eftir Tim Burton ættu að vita að hann er með sérstakan stíl á bíómyndum, myndinar hans eru oft mjög dymmar, mikið af svörtum litum, en samt svona inn á milli koma þessir skæru litir, eins og rauður og grænn og svona. T.d í Sleppy Hollow þegar það spítist blóð á Johnny depp, þá er blóðið alltaf mjög áberandi, rosalega rautt. En myndin sjálf er mjög dymm.

En með big fish þá er eins og hann sleppir þessu, því að myndin er mjög björt og rosalega litrík.


Big fish er alveg mögnuð mynd, eða mér fynnst það allaveg. Eitt af mínum uppáhalds myndum. Hún er svo hjartnæm, maður líður svo vel þegar maður horfir á hana.

Ewan Mcgregor er hreint út sagt magnaður í myndinni, leikur sinn karater rosalega vel, eins og bara alltaf, hann er frábær leikari.


Ég þori að viðurkenna að þessi mynd er svolítið sérstök, og sumir eru kanski ekki alveg sammála mér þegar ég segi að þetta sé eitt af bestu myndum sem gerðar voru árið 2003.


En sögunar sem maðurinn segir í myndinni eru rosalega góður og maður fynnst bara svo gaman að horfa á þessa mynd. Ég mæli allavega eindregið með henni..


Mín uppáhalds mynd eftir Tim burton þó svo að hann hefur gert snildar myndir eins og Batman og Edward Scissorhands þá fynnds mér big fish betri.


Endilega ef þú hefur ekki séð þessa mynd þá mundi ég taka hana í þínum sporum.

Big Fish er rosalega frumleg og sérstök mynd sem kemur skemmtilega á óvart. Ewan McGregor leikur hér sögupersónu sem hræðist varla neitt og kemst áfram í lífinu á ótrúlegan hátt. Hann segir sjálfur frá sögunum þegar hann er orðinn gamall og er þá leikinn af Albert Finney. Hér sínir Tim Burton fram á snilldar leikstjórn og fær hann prik hjá mér fyrir að fara óhefbundna leið í kvikmyndagerð. Big Fish er róleg, ljúf og falleg mynd sem inniheldur einnig fallega tónlist og snilldar leik. Undir lokin fannst mér myndin vera orðin aðeins of löng fyrir þetta efni en þrátt fyrir það fær hún 3 stjörnur og á ekkert minna skilið að mínu mati.

Fínasta mynd frá meistara Tim Burton. Eins og ávallt er þessi mynd rosalegt sjónspil og uppfull af skrautlegum persónum. Margir aukaleikarar sem koma við sögu og má helst nefna Steve Buscemi sem er einn af mínum uppáhaldsleikurum í skemmtilegu hlutverki.Albert Finney og Ewan McGregor eru báðir ótrúlega skemmtilegir í sínum rullum en persónulega fannst mér Finney skara mest framúr. En allavega góð mynd sem allir ættu að geta haft gaman af.

Tim Burton. Tim Burton. Tim Burton. Það er ekki hægt að útskýra það. Þessi mynd er alger endaleysa. En góð endaleysa. Listræn, um líf eins manns sem er í heild endaleysa og vill sonur hann þekkja föður sinn áður en hann deyr. Þetta er vel gerð mynd, athyglisverðar persónur, góður húmor og skemmtileg mynd. Ekki besta mynd Burtons og alls ekki besta mynd ársins en mjög góð.

Þessi mynd kom mér virkilega á óvart.

Hún fjallar um mann að nafni Will Bloom og faðir hans sem er dauðvona.

Pabbinn Ed Bloom sem leikinn er af Albert Finney og einnig af Ewan McGregor (en hann leikur pabban á yngri árum) hefur alltaf sagt syni sínum sögur af lífi sínu og þá mjög svo lýgilegar sögur.

En núna vill sonurinn komast að sanleikanum og vill fá að heyra réttu söguna um líf pabba síns.

Á meðan er hann að rifja upp allar þær sögur sem pabbi hans hafði sagt honum, og er það það sem gerir myndina svo skemmtilega. Sögurnar sem pabbinn hafði sagt voru svo lýgilegar að öll myndin verður eitt stórt ævintýri.

Hugmyndin, sagan, handritið og allt á bakvið myndina er alger snilld og gengur allt saman upp.

Núna bíð ég bara spenntur eftir að þessi mynd komi á DVD þannig að ég geti horft á hana aftur og aftur.

Ég var ekkert rosa spenntur fyrir þessari mynd þegar ég fór á hana en þegar hún var búin var ég bara mjög ánægður fyrir að hafa farið. Þetta er mynd fyrir Tim Burton aðdáendur og þá sem kunna að meta góðar myndir.

Myndin fjallar um mann sem er að deyja úr elli og er ekki búinn að tala við son sinn síðan á brúðkaupsdegi hans. Faðirinn er ekki alveg í tengslum við raunveruleikann og ýkir soldið þegar hann segir syni sínum frá ævi sinni. Það er mjög skemmtilegt að fylgjast hvernig ævi hans vindur upp á sig og svo er manni komið á óvart með því að kannski var maðurinn ekki að ýkja svo mikið. Það er þitt að komast að því og ég vona að þú skemmtir þér vel.

Ef þú ert að velta þér upp úr nafni myndarinnar þá skýrist það í enda hennar.

Góðir leikarar, tónlist, handrit og leikstjóri gera þetta að mynd sem þú verður bara að sjá.

Tim Burton hefur engu gleymt (fyrir utan Planet of the apes sem var ekkert sérstök) og kemur hér nyjasta mynd hanns Big Fish.

En hér er um mjög skemtilega mynd að ræða.

Frábærar tæknibrellur góður leikur og gott handrit svona á þetta að vera.

Æðisleg tónlist eftir danny elfman sem á skilið hinn heitþráða Óskar.

Öll myndin er fagmannlega unnin og kom mer á óvart að hún skuli ekki vera tilnefnd til fleiri óskarsverðlauna en bara fyrir bestu tónlist.

Mæli semsagt með henni og hlakka til þángað hún kemur út á DVD.

Stórlaxinn eða Big Fish er algjör snilld,ein besta mynd sem ég hef séð. Myndinn fjallar um mann (yngri er leikinn af Ewan McGregor og þegar hann er gamall er hann leikinn af Albert Finney) sem segir fullt af langdreignum sögum sem sonur hans trúir ekki. En það kemur í ljós að þær eru allar sannar. Þær byrja á að hann hittir risastórann mann og finnur friðsælan bæ og þar á meðal sér hann norn,rænir banka óviljandi og fleira. Þegar hann fer í sirkus sér hann stelpuna sem hann vill giftast. Frændi hennar (Danny DeVito,One Flew Over The Cuckoo's Nest) er sirkusstjórinn og ef hann vinnur hjá honum í marga mánuði segir hann honum eitt um hana í hverjum mánuði. Við leitinni að henni verður hann skotinn, berst við varúlf og rifbeinsbrotnar tvisvar. Svo fer hann í Víetnam stríðið og hittir síamstvíbura sem hjálpa honum o.s.frv. Big Fish er stórvirki frá snillingnum Tim Burton sem ég mæli 100 prósent með.

Það er svo gaman að sjá furðufugl eins og Tim Burton prófa nýja hluti sem kvikmyndagerðarmaður. Hann hefur hingað til afmarkað sig meira en hann hefði átt að gera og er Big Fish dásamleg tilbreyting að því leyti að hún er björt, litrík og frásagnarlega séð ólík öllu öðru sem hann hefur komið nálægt. En þrátt fyrir að litaleysið og myrka andrúmsloftið sé horfið (sennilega tímabundið) passar Burton upp á það að strá eins mikið af furðulegum einkennum sínum yfir þessa sögu og hann getur. Á meðan ég horfði á myndina sat ég ánægður yfir því hversu vel kallinn meðhöndlaði allt þetta súra, en ég var satt að segja orðinn hræddur um að sagan ætti ekki eftir að hitta beint í hjartastað eins og hún vildi. Burton hefur aðeins einu sinni náð að gera hjartnæma og alvörunni áhrifaríka mynd og það var Edward Scissorhands.Big Fish hefði átt að hafa viss áhrif á mig í lokin, en hún gerði það ekki. Kannski var ég bara of flæktur í að reyna að ná almennilegri tengingu á milli fantasíu og raunveruleika (stundum leið mér eins og myndin vissi sjálf ekki muninn) en Burton klikkaði pínulítið á tilfinningalega kjarnanum. Ég fyrirgef honum það samt alveg, en ef hann hefði hins vegar aðeins sýnt öðrum hlutum jafnmikinn áhuga og hann sýndi fantasíunni þá er góður séns að þetta gat orðið hans fyrsta meistarastykki. Sagan er a.m.k. skemmtileg og öll ævintýrahliðin helst æðislega vel á floti þökk sé frábærlega sjarmerandi frammistöðu frá Ewan McGregor. Hin hliðin, sem gerist í alvöru heiminum, er í höndum Alberts Finney (sem leikur eldri útgáfuna af McGregor), og hann stendur sig líka óaðfinnanlega. Aðrir leikarar eru meira eða minna til skrauts (meira að segja Billy Crudup, sem í rauninni átti ekki að vera skraut heldur miðpunktur sögunnar) en enginn virðist ekki eiga heima þarna.Tæknilega séð er myndin ótrúlega falleg. Litabeytingin er skær, draumkennd og rammauppsetningin oft álíka ýkt og margt sem við sjáum í svokallaða fantasíuheiminum. Þær senur sem gerast í nútímanum eru viljandi þurrar og dæmigerðar í útliti. Maður spyr sig jafnvel hvort þetta hafi verið viljandi gert hjá Burton eða hvort hann hafi bara sýnt slíkum atriðum engan áhuga. Það kæmi mér allavega ekki á óvart frá manni sem býr venjulega til kvikmyndir sem einblína á mjög sérkennilega og oft félagslega útskúfaða einstaklinga. Big Fish fellur ekki alveg í þessa kategoríu, en það sýnir bara hvað maðurinn hefur mikinn áhuga á að þroskast og opna sig meira sem leikstjóri.Endirinn á myndinni hafði næstum því engin áhrif á mig, og tónlist Danny Elfman gerði lítið til þess að gera hann betri. Venjulega elska ég allt sem Elfman gerir en hér fannst mér vanta alveg íkoníska tóna frá honum þótt músíkin almennt hafi verið fín. Eina atriðið sem bauð upp á fyrirtaks Elfman-tónlist var þegar McGregor sér Alison Lohman í fyrsta sinn. Fyrir utan það var ekki neitt lag sem skildi eitthvað eftir sig eða gerði gott enn betra.Það sem gerir Big Fish að góðri afþreyingu er hve furðuleg og þ.a.l. ófyrirsjáanleg hún er, skemmtilega léttur tónn og aðalleikararnir. Myndin er krúttleg og hlý þótt hún nái ekki að framkalla öll þau áhrif sem hún sækist eftir. Þetta er ansi merkileg mynd fyrir feril Burtons, líka persónuleg og bara afskaplega góð leið til að rétta úr sér eftir Planet of the Apes-skömmina sem hann fékk á sig. Kíkið allavega á hana. Hún gæti komið ykkur á óvart. 7/10

Big Fish er einn skrítnasta mynd sem maður getur séð og því frábær fjölskyldumynd. Myndin fjallar um Ed Bloom sem er maður sem elskar að segja ýktar sögur af sjálfum sér. Sonur hans er þó öllu jarðbundnari og þegar faðir hans segir sögu af sjálfum sér við brúðkaup sonar síns fær sonurinn nóg og tala þeir feðgar ekki saman í þrjú ár eftir það. En þegar Ed veikist illilega þarf sonurinn að koma og fer hann einnig að grenslast fyrir um það hvað í sögunum var satt og hvað var lygi. Þessi mynd er frábær skemntun og hefur Tim Burton skapað eithvað mjög sérstakt. Leikaranir standa sig frábærlega og fer þar fremstur í flokki Albert Finney sem á stórleik sem Ed Bloom í nútímanum. Einnig fer Ewan McGregor á kostum sem Ed Bloom ungur og eins og hann er í sögunum. Sterki þáttur myndarinar er leikurinn og handritð, sem er frábært og er skrítið að það skyldi ekki hljóta tilnefningu til óskarsverðlaunana. Myndin er hinns vegar tilnefnd fyrir tónlistina sem er mjög góð. Myndin er í anda Forrest Gump og allir sem höfðu gaman að þeiri mynd munu elska Big Fish. Takk fyrir.

Hér er með þeim betri sem hér hafa rekið á fjörur kvikmyndaunnenda í langan tíma. Handritið er traust, hugmyndin góð og þarna má sjá einvalalið leikara vinna úr virkilega bitastæðum persónum. Að sumu leyti minnir hún á aðra toppmynd, Forrest Gump, og er þar ekki leiðum að líkjast. Þó eru farnar þarna aðrar slóðir, samband föður og sonar, faðirinn lifir í fantasíu en sonurinn öllu jarðbundnari. Albert Finney er hreint óborganlegur í hlutverki föðurins enda enginn aukvisi þar á ferð. Ekki má rekja söguþráðinn en ég hvet alla til að sjá þessa mynd.