Saga um dreng sem dreymir að hann geti svifið, og ef hann haldi sér ekki í, þá muni hann hverfa upp í himingeiminn. Þegar hann er orðinn fullorðinn þá endurtekur þetta sig. Í kjölfarið á undarlegu slysi, þá gengur hann í gegnum nokkuð sem gæti verið draumur, hann fer inn og út úr mismunandi aðstæðum og hittir ýmsar persónur. Fólkið sem hann hittir ræðir við hann um heimspeki, vísindi og um að dreyma og vakna í sífellu, og söguhetjan áttar sig á að hann nær ekki að vakna upp úr þessu ástandi.
Ég var svo heppinn að hafa lent á þessari mynd við algera tilviljun því annars hefði ég aldrei séð hana eða vitað nokkurn tíman að það væri til svona góð og frumleg mynd ég gef he…
Ég var svo heppinn að hafa lent á þessari mynd við algera tilviljun því annars hefði ég aldrei séð hana eða vitað nokkurn tíman að það væri til svona góð og frumleg mynd ég gef henni 5 stjörnur ef það væri hægt og mæli með allt fólk kíki á þess mynd þá sérstaklega fólk sem vill láta hugan reika og pæla í allskonar hlutum þá er þetta mynd fyrir ykkur.Þessi mynd er eitt það besta sem ég hef nokkurn tíman séð, tveir þumlar upp aðrir tveir með ristunum!(THAD IS ONE FOR THE COLECTION).
Ótrúleg mynd, umræðan í myndini er snilld, hún segir á gáfulegan hátt pælingar allra í lífinu,eftirlífinu og draumaheiminum. Með merkilegri myndum sem ég hef séð, en ef þú ert að l…
Ótrúleg mynd, umræðan í myndini er snilld, hún segir á gáfulegan hátt pælingar allra í lífinu,eftirlífinu og draumaheiminum. Með merkilegri myndum sem ég hef séð, en ef þú ert að leita að góðri skemmtun þá skaltu snúa þér annað. Þessi mynd reynir á heilabúið og þarf að fylgjast vel með þegar leikaranir eru að tala. Ef þú ert gáfaður þá tekurðu þessa en hinir geta bara farið og tekið Miss Congeniality eða eitthverja klisjumynd.
Waking Life er áhugaverð kvikmynd á allan hátt, þ.e.a.s. ef það má kalla þetta kvikmynd. Því satt að segja þá finnst mér hún eiga eitthvað mun nákvæmara og sterkara nafnorð skilið…
Waking Life er áhugaverð kvikmynd á allan hátt, þ.e.a.s. ef það má kalla þetta kvikmynd. Því satt að segja þá finnst mér hún eiga eitthvað mun nákvæmara og sterkara nafnorð skilið til að lýsa henni. Persónulega kýs ég að kalla þetta bara hreinræktað listaverk. Hér er fjallað um ferðalag ónefnds drengs á margskonar staði, þar sem hann hittir margt mismunandi fólk og á þátt í mörgum sérkennilegum samræðum. Kjarninn við þetta ferðalag er það að maður er aldrei of viss um hvað er draumur og hvað ekki. Eitt sem maður er ekki vanur að segja þegar maður gagnrýnir hefðbundnar bíómyndir er það að þessi mynd er einfaldlega einungis borin uppi af þeim samræðum (ekki fyrsta sinn sem leikstjórinn Richard Linklater notfæri sér slíka frásagnaraðferð - lítið bara á Before Sunrise). Hér koma fram alls konar tilgátur varðandi ýmislegt sem tengist lífinu, tilverunni, jafnvel dauðanum ásamt fjölda öðru, og ég get bara ekki lýst tilfinningu minni þegar henni lauk. Myndin er bara svo ...sérstök... og áhugaverð að maður sogast bara inn í hana einsog maður sé sjálfur að dreyma. Ekki skemmir svo fyrir alveg stórkostlega listrænt útlit sem gerir hana jafnvel ennþá furðulegri en hún þegar er. Linklater á óhemju mikið hrós skilið fyrir þetta afrek, þar sem hún er bæði bylting gagnvart teiknimyndageiranum ásamt því að vera ein af þeim örfáu myndum sem ég hef séð frá 2002 sem ég hef svona mikið pælt í eftirá. Því hvet ég sem flesta sem hafa áhuga á einhverju nýju og óhefðbundnu að kíkja á hana. Hún skilur heilmikið eftir sig.8/10
Loksins finn ég þessa mynd. Hef verið að bíða eftir að sjá hana í ansi langann tíma. Hún var fyrst tekin með digital myndavél og svo teiknað yfir það og út kom þessi teiknaða bíóm…
Loksins finn ég þessa mynd. Hef verið að bíða eftir að sjá hana í ansi langann tíma. Hún var fyrst tekin með digital myndavél og svo teiknað yfir það og út kom þessi teiknaða bíómynd. Hún fjallar um strák sem er að dreyma og í hvert sinn sem hann vaknar, þá heldur draumurinn áfram, sem sagt, hann kemst ekki út úr drauminum. Mjög merkileg pæling og hugmyndin að gera hana animated gefur henni skemtilegann óraunveruleika í hana. Kennarinn minn sagði einusinni að ef maður fer að pæla í draumum, þá fari maður sjálfkrafa að dreyma meira. Við sjáum til hvort mig dreymi í nótt, og hvort ég geti farið að hafa stjórn á honum.
Hún kemur líka með skemtilegar hugmyndir um heiminn sem við lifum í, og eru líklega fáir sem ná að fanga allar þær pælingar og hugmyndir sem eru færðar manni, með því að horfa á hana einu sinni. Mæli með þessari mynd fyrir draumara og þá sem eru að leita að sangleika í lífinu...
Þessi nýjasta kvikmynd Richard Linklaters er svo einstaklega frumleg, reynir svo á heilabúið, er svo falleg áferðar, að hún fór að sjálfsögðu framhjá öllum nema gagnrýnendum. Waking L…
Þessi nýjasta kvikmynd Richard Linklaters er svo einstaklega frumleg, reynir svo á heilabúið, er svo falleg áferðar, að hún fór að sjálfsögðu framhjá öllum nema gagnrýnendum. Waking Life er allt annað en sama gamla formúlan. Hún er kvikmynduð á stafrænar myndavélar, og teiknað ofaní eftirá. Þetta gefur myndinni draumkennda og sérstaklega lifandi áferð. Maður er sífellt að uppgötva eitthvað nýtt í því hvernig myndin er gerð. Enginn hefðbundinn söguþráður er í myndinni, heldur fjallar hún um strák einn, sem flakkar um í draumheimum og verður vitni að ýmsum heimsspekilegum samræðum á milli fólks, á í nokkrum sjálfur, og þó nokkrar eiga sér stað án þess að hann sé viðstaddur. Spurningin er síðan sú, hvern er að dreyma drauminn, og hversu mikið af þessu öllu er draumur. Samræðurnar/tilgáturnar eru misáhugaverðar, en allar nógu áhugaverðar til þess að vekja upp spurningar og samræður á milli þeirra sem á horfa. Þær sem eru áhugaverðastar opna síðan fyrir manni nýjan heim og nýja sýn á lífið. Myndin er sérstaklega heillandi og grípur mann sterkt, og þar fyrir utan hefur hún þann eiginleika að maður getur horft á hana aftur og aftur, og uppgötvað eitthvað nýtt í hugmyndum myndarinnar í hvert sinn. Þetta er ekki svo mikið kvikmynd í hinum klassíska skilningi orðsins, heldur frekar sjálfstætt listaverk sem neitar að falla í einhvern ákveðinn flokk. Hún er hins vegar yfirburða snilld, og ein af þeim myndum sem maður er viss um að maður muni aldrei gleyma.
Hér er hún loksins, þessi margumtalaða mynd leikstjórans Richards Linklater (Slacker, Dazed & Confused). Margir höfðu það á orði að þessi mynd hefði átt að hljóta tilnefningu til Ósk…
Hér er hún loksins, þessi margumtalaða mynd leikstjórans Richards Linklater (Slacker, Dazed & Confused). Margir höfðu það á orði að þessi mynd hefði átt að hljóta tilnefningu til Óskarsverðlauna sem besta teiknimyndin, og ég tek undir að hún á þann heiður frekar skilinn en annars flokks barnamynd á borð við Jimmy Neutron. Á hinn bóginn skil ég vel að myndin hafi verið sniðgengin þar sem hún er síður en svo mynd fyrir alla. Þetta eru 100 mínútur af heimspekilegri draumferð ungs manns sem er kannski dáinn (og kannski ekki) og hvernig hann spjallar við hverja manneskjuna á fætur annarri um stærstu spurningar tilverunnar og önnur mjög svo djúp málefni. Mér leið stundum eins og ég sæti á skólabekk og einhver ofurvitur prófessor væri að reyna að troða ofan í mig vitneskju. Waking Life er hægfara og erfið yfirferðar. En gildi hennar liggur í aðdáunarverðri og nýstárlegri framleiðslu. Linklater tók alla myndina upp á stafræna myndavél til að byrja með og fékk hóp listamanna til að teikna yfir myndina sjálfa, svo úr verða raunverulegar hreyfingar og umhverfi. Linklater á heiður skilinn fyrir að þora að vera öðruvísi. Áhugaverð mynd, vel þess virði að skoða, en hennar verður sjaldan minnst sem yfirburðar snilldar.
Bönnuð innan 12 ára
Blótsyrði
