Á ferð með mömmu (2022)

Leikstjórinn segir í samtali við Morgunblaðið að hugmyndin hafi kviknað árið 1994 þegar hann og Þröstur Leó sátu og spjölluðu á meðan beðið var eftir tökum í Tár úr steini, sem er einnig eftir Hilmar. \"Þröstur fór að segja mér frá sérkennilegum karakterum í Arnarfirði og þá varð til saga í kollinum á mér; innblásin af þessum sögum.\"

Þetta er í þriðja sinn sem Þröstur Leó leikur aðalhlutverk í mynd eftir Hilmar.

Þriðji aðalleikari myndarinnar, hundurinn Dreki, leikur Brésneff, sem heitir í höfuðið á þáverandi leiðtoga Sovétríkjanna.

Hundurinn var valinn úr hópi þriggja hunda. „Þessi var feiminn og með lítið hjarta en horfði alltaf á þann sem var að tala. Hann fylgdist vel með og gerði allt sem honum var sagt, þannig að hann var bara ráðinn á staðnum,\" segir Hilmar við Morgunblaðið.